Thursday, July 29, 2021
गृहपृठ अन्य २० बर्षपछि फेरि जन्मियो यश कुमारको ‘तिम्रो मन बदलिएछ’…

२० बर्षपछि फेरि जन्मियो यश कुमारको ‘तिम्रो मन बदलिएछ’…

  • 2
    Shares

२ दशक अगाडि । गायक यश कुमारका गीतले बजार तताइरहेको बेला थियो । क्यासेटमा गीत सुन्ने प्रचलन । सोही समयमा यश कुमारको स्वरमा सार्वजनिक भयो, ‘तिम्रो मन बदलिएछ’ । अहिले जस्तो डिजिटल प्रविधीको यूग थिएन । तर, यो गीतले हरेक श्रोताको मन जित्यो ।

२ दशकपछिको समयमा गीतलाई भन्नै शैली बदलियो । प्रविधीले नयाँ मोड लिएको छ । तर, ‘तिम्रो मन बदलिएछ’को लोकप्रियता बदलिएको छैन । यश कुमारको जीवनमा नयाँ मोड आइसकेको छ । तर, यो गीतले बोकेको मिठासमा कुनै मोड आएको छैन । श्रोता बदलिए, प्रविधी बदलियो तर गीत उस्तै कर्णप्रिय छ ।

यश कुमारले २० बर्ष अगाडि यो गीतमा सपना श्रीसँग जोडी बाँधेर दर्शकको मुटु हल्लाइदिएका थिए । २ दशकपछि फेरि उनै यश कुमारले यो गीतलाई नयाँ स्वरुपमा दर्शकमाझ ल्याएका छन् । गीतमा यश कुमारकै शब्द तथा संगीत छ । यसपटक मिलन नेवारले उनलाई साथ दिएकी छिन् ।

निकेश खड्काको निर्देशनमा तयार गीतको भिडियोमा सागर लम्साल ‘बले’, प्रिज्मा र प्रिन्सी खतिवडाले अभिनय गरेका छन् । गीतको भाव अनुसार त्रिकोणात्मक प्रेम कथामा भिडियो निर्माण भएको छ ।

कलाकार सागरको चाहना अनुसार यो गीतलाई नयाँ स्वरुपमा प्रस्तुत गरिएको पत्रकार सम्मेलनमा जानकारी दिइयो । गायक यशले भने,–‘सागर भाईलाई म्युजिक भिडियोको अफर धेरै छन् । तर, मानसिक रुपमा पनि, सिर्जनात्मक रुपमा पनि खुसी हुन सक्ने गीतको आवश्यक छ भनेपछि भाईले सूची बनाएका गीतबाट यस गीत छनोट गरिएको हो ।’

गायक यशले यस गीत अहिलेपनि धेरैको यथार्थतासँग जोडिएको हुनाले रिमेकका लागि आफूहरुले यसलाई छनोट गरेको जनाए । उनले अगाडि भने, ‘मेरो मात्र होइन, जसले यो गीत सुन्नुभएको, मन पराउनुभएको छ । सोही कारण २० वर्षअघि जति लोकप्रिय थियो । अहिले पनि उत्तिकै लोकप्रिय छ ।’ उनी आफ्नो गीतलाई नयाँ रुपमा, नयाँ प्रविधीमा सार्वजनिक गर्न पाउँदा खुसी छन् ।

‘आफू नरहे पनि आफ्नो सिर्जना बाँचिराखोस् भन्ने हरेक सर्जकले चाहन्छ । यो मलाई बचाईराख्ने सिर्जना हो’ उनले भने । कलाकार सागरले आफूले सानैदेखि गुनगुनाउँदै आएको गीतको भिडियोमा काम गर्न पाउँदा एकदमै खुसी लागेको बताए । ‘यस गीतको म बच्चैदेखि फ्यान थिएँ । सो समयदेखि नै कलाकार भएँ भने यो गीतमा काम गर्छु भन्ने सोच थियो’ सागरले भने । प्रिज्मा–प्रिन्सीले यश कुमारको गीतमा अभिनय गर्न पाउने कुरा आफूहरुले नसोचेको बताउँदै काम गर्न पाउँदा एकदमै खुशी लागेको बताए । बुद्द थापाले छायाँकन गरेको गीतको भिडियोलाई विकास धमलाले सम्पादन गरेका हुन् ।

यो गीतको भिडियोलाई निकेश खड्काले निर्देशन गरेका हुन् । २० बर्षपछि रिमेक गरिएको एउटा उत्कृष्ट गीतको भिडियोमा निकेशले उत्कृष्ट कथा बुनेका छन् । यस अर्थमा यो भिडियोको नायक निकेश हुन् । निकेशले फिल्मी शैलीमा भिडियोलाई बुनेका छन् । प्रेममा हुने विश्वासघातको कथामा उनले गज्जबले दृश्य अगाडि बढाएका छन् ।

अनलाईन खबरबाट साभार

  • 2
    Shares

ताजा समाचार

पूर्वमाओवादी नेताद्वारा सर्वोच्चमा रिट

काठमाण्डौ - नेकपा एमाले प्रवेश गरेका चार पूर्वमाओवादीका नेताले सांसद पद पुनर्स्थापनाको माग गर्दै सर्वोच्च अदालतमा रिट निवेदन दर्ता गराएका छन् । पूर्वमन्त्रीहरू समेत रहेका...

लागुऔषध मुद्धाकी फरार प्रतिवादी पक्राउ

कञ्चनपुर - जिल्लामा प्रहरीले लागुऔषध चरेश मुद्धाकी फरार प्रतिवादीलाई पक्राउ गरेको छ। भीमदत्त नगरपालिका–८ तिलाचौर बस्ने जानकी देवी धामीलाई पक्राउ गरिएको जिल्ला प्रहरी कार्यालय कञ्चनपुरले जनाएको...

शिक्षा तथा स्वास्थ्य समितिले कक्षा–१२ को परीक्षाअघि नै विद्यार्थीलाई खोप दिन सरकारलाई सुझाव

काठमाण्डौ -  संसदको शिक्षा तथा स्वास्थ्य समितिले कक्षा–१२ को परीक्षाअघि नै विद्यार्थीलाई खोप दिन सरकारलाई सुझाव दिएको छ। बुधबार संसदीय समिति र शिक्षा, विज्ञान तथा प्रविधि...

गर्मी छल्न बुडरको छतिवन झरना सबैको रोजाईमा

अत्तरिया : सुदूरपश्चिमका दुई वटा तराईका जिल्लाको गर्मी छल्न यहाँका स्थानीय डोटी पुग्ने गरेका छन् । कैलाली र कञ्चपुर सुदूरपश्चिमका तराईका जिल्ला हुन् । यी...

LEAVE A REPLY

Please enter your comment!
Please enter your name here